ቢሮ ይህን የገለፀው ዛሬ የ2013 ዓ/ም የትምህርት ዘመን የ8ኛ ክፍል ፈተናን አስመልክቶ መግለጫ በሰጠበት ወቅት ነው።

መግለጫዉን የሰጡት የአማራ ክልል ትምህርት ቢሮ ምክትል ኀላፊ ሙላው አበበ ሲሆኑ የ2013 የትምህርት ዘመን የ8ኛ ክፍል ፈተና ከሰኔ 23 እስከ ሰኔ 25/2013 ዓ.ም እንደሚሰጥ ተናግረዋል።

በክልሉ የሚገኙ ትምህርት ቤቶች ለተማሪዎቻቸው ፈተናዉን የሚወስዱበትን ቀን እንዲያሳውቁ ምክትል ኀላፊው አሳስበዋል።

በትምህርት ወደኋላ የቀሩ ተማሪዎች የማካካሻ ትምህርት እንዲሰጣቸው፤ ተማሪዎች የፈተናውን ቀን አውቀው ቅድመ ዝግጅት እንዲያደርጉ ነው አቶ ሙላው የገለጹት።

ፈተናው በሚሰጥበት ቀንም ኾነ የፈተናው የጥያቄ ወረቀት የማጓጓዝ ሂደቱ ሰላማዊ እንዲኾን በየዘርፉ የሚገኙ የጸጥታ አካላት ኀላፊነታቸዉን እንዲወጡ ጠይቀዋል።

በአማራ ክልል ከ500 ሺህ በላይ ትምህርት ቤቶች የ8ኛ ክፍል ፈተናን የሚሰጡ ሲኾን 420 ሺህ በላይ ተማሪዎች ፈተናውን እንደሚወስዱ መታወቁን የአማራ ሚዲያ ኮርፖሬሽን ዘግቧል።